მოსკოვმა ყირიმის სრული მილიტარიზაციის გეგმები გაახმოვანა. როგორც ფედერაციის თავდაცვის სამინისტროში აცხადებენ, „რუსეთი ყირიმში სრულფასოვან და თვითკმარ სამხედრო დაჯგუფებას ჩამოაყალიბებს.“

ამის შესახებ სამინისტორს კოლეგიის სხდომაზე მინისტრმა შოიგუმ ისაუბრა.

„სამხრეთ-დასავლეთის სტრატეგიულ მიმართულებაზე სამხედრო-პოლიტიკური ვითარება კვლავაც რთულია. მნიშვნელოვანწილად, ეს უკრაინაში შექმნილ მდგომარეობას უკავშირდება. ასევე NATO-ს მხრიდან ანტირუსული განწყობების გამძაფრებასა და უცხო ქვეყნების სამხედრო შენაერთების რუსეთის საზღვრებთან მომრავლებას. ამ სიტუაციაში, ყირიმის ფედერალურ ოლქში სრულყოფილი, თვითკმარი შერეული სახეობების სამხედრო კონტინგენტის ფორმირება, პრიორიტეტული ამოცანაა.“ - განაცხადა შოიგუმ.

შეგახსენებთ, რამდენიმე დღის წინ, NATO-ს ევროპული გაერთიანებული ძალების მთავარსარდალმა, გენერალმა ფილიპ ბრიდლავმა განაცხადა, რომ რუსეთმა ყირიმში ბირთვული იარაღის გადაადგილების საშუალებები შეიტანა