ქართული ვებრესურსების განვითარების კომპნია

სტივენ პაიფერი მიიჩნევს, რომ კრემლი თავისი მისამართით სკეპტიციზმის ზრდას“ იგრძნობს და ამის მიზეზი უკრაინის კრიზისი იქნება. ამავე დროს, ანალიტიკოსი დარწმუნებულია, რომ ამერიკა-რუსეთის ურთიერთობებში საფუძვლიანი ცვლილებები მოსალოდნელი არაა.

„მე მიმაჩნია, რუსეთისადმი სკეპრიკური დამოკიდებულება ძალთა ამჟამინდელი გადანაწილების გათვალისწინებითაც კი მაღალი იყო. ახლა ზრდაა მოსალოდნელი, მაგრამ არ მგონია რუსეთთან დამოკიდებულებაში კურსის მკვეთრი ცვლის მომსწრენი გავხდეთ.

შესაძლოა კონგრესმა ადმინისტრაციაზე ზეწოლა გაზარდოს, რათა მან უფრო მკაცრი სანქციები შეიმუშავოს, მაგრამ მინდა აღვნიშნო, რომ ასეთი წნეხი, თუკი ის საერთოდ შეიგრძნობა, სათანადოდ ეფექტური ვერ იქნება იმ უბრალო მიზეზის გამო, რომ უკრაინის გამო რუსეთძე სანქციების დადების საკითში კონგრესში აქემდეც ერთსულოვნება იყო.“

ბოლო კვირებია ვაშინგტონში ბევრს საუბრობენ იმის შესახებ, რომ რომ თავდაცვის გავლენიანი კომიტეტის სათავეში სენატორი მაქკეინი მოვიდოდა. მან ავტორიტარიზმში პუტინს არა ერთელ დასდო ბრალი და აფრთხილებდა, რომ სახალხო აჯანყების შედეგად ჩამოგდებული კადაფის ბედი ელოდა. პაიფერი თვლის, რომ რესპუბლიკელების მხრიდან კომიტეტის თავჯდომარედ მაქკეინის არჩევა, სავსებით ლოგიკური იქნება.

 

სერგეი როგოვმა განაცხადა, რომ შუალედურ არჩევნებს ყოველთვის ოპოზიციური პარტიის წარმატება მოაქვთ, ხოლო პარტია, რომელის წარმომადგენელიც თეთრ სახლს იკავებს, კარგავს ადგილებს კონგრესში.
„გამონაკლისი, თითქმის არ არსებობს. ე. წ. „გახლეჩილი ხელისუფლების“ კლასიკური ვითარება წარმოიქმნება, რაც თეთრი სახლის სერიოულ პარალიჩს მოასწავებს“ - მიაჩნია ექსპერტს. ის დასძენს, რომ „რესპუბლიკელები ფრონტალური შეტევას წამოიწყებენ, რათა შიდა პოლიტიკასთან დაკავშირებული თავიანთიპროგრამა გაიტანონ: პირველ რიგში ეს სოციალურ საჭიროებათა სახელმწიფო ხარჯებს შეეხება, განსაკუთრებით კი ჯანდაცვას. სამხედრო ხარჯების არც თუ დიდად, მაგრამ მაინც გაზრდა, სავსებით მოსალოდნელია“.

აშშ-ის საგარეო პოლიტიკაში შესაძლო ცვლილებების კომეტირებისას, სერგეი როგოვი ამბობს, რომ „რესპუბლიკელები ეცდებიან დაამტკიცონ - ამერიკა ლიდერია და მიუხედავად ზოგიერთი მოკავშირის წინააღმდეგობისა, შესწევს მოქმედების უნარი.“

„მე ვფიქრობ, ეს, პირველ რიგში, ამერიკის ირანულ პოლიტიკაზე აისახება. რესპუბლიკელები კატეგორიულად ეწინააღმდეგებიან ირანთან ბირთვულ პროგრამასთან დაკავშირებით რაიმე შეთანხმებას, რის მიღწევასაც ობამა ცდილობდა. 

მერე, ეს სირიაში ძალისმიერი მეთოდების მეტი გააქტიურბაა. არ გამოირიცხება არც სახმელეთო ოპერაცია, რომელიც არა მხოლოდ „ისლამური სახელმწიფოს“ წინააღმდეგ იქნება მიმართული, არამედ უშუალოდ ასადის წინააღმდეგაც.“  - თვლის ამერიკისა და კანადის ინსტიტუტის დირექტორი.
მომდევნო ორი წლის რუსულ-ამერიკულ ურთიერთობებს სერგეი როგოვი მუქ ფერებში ხედავს:
„ბოლო წელბში, რუსეთთან მიმართებაში რესპუბლიკურ პარტიას უკიდურესად ნეგატიური პოზიციები ეკავა. მსურს შეგახსენოთ, რომ 2010 წელს რესპუბლიკელთა ორმა მესამედმა სტრატეგიული შეიარაღების შემცირების ხელშეკრულების წინააღმდეგ მისცა ხმა.